The time for change

No bullet can stop the spirit of justice and democracy!!!

ድሃው የትግራይ ገበሬ ( ኄኖክ የሺጥላ )

Image result for tigray Farmerየ-ማስታወቂያ አላማ አዲስ ነገርን ለብዙ ዘመን የምታውቀው ፣ የምታውቀውን ደሞ አዲስ አስመስሎ ማቅረብ ነው ይላል አንዱ ፈረንጅ ፣ በራሱ በፈረንጁ ቋንቋ አባባሉ እንዲህ ተጽፎ ነበር ( Advertisement is making the new familiar and the familiar new )። አዎ አንዳንድ የፖለቲካ ትንታኔዎች ማስታወቂያ ነው የሚመስሉኝ ። የምናውቀውን አዲስ አዲሱን ደሞ ልክ የምናውቀው አድርገው ሲያቀርቡ ሳይ ።

ዛሬ ትንሽ ስለ ድሃው የትግራይ ገበሬ እናውራ ። በመጀመሪያ ድኃ የሚለው ሁኔታን ዓመልካች ቅጥያ የትግራይ ገበሬ ከሚለው ቀድሞ ሲመጣ ትንሽ ሆድ የምያባባ ነገር እንዳለው እንገንዘብ ። ድሃው የሚለውን አውጥቼ <የትግራይ ገበሬ> ብል ሃሳቡ ሙሉ በሙሉ ከሁኔታ እራሱን ያገለለ ይሆናል ፣ ምናልባት የየት ሀገር ገበሬ ለሚለው እንደ መልስ የቀረበ ሐረግ ተደርጎም ሊታይ ይችል ይሆናል ። ትንሽ ወደፊት ሄድ ብዬ ደሞ <ባለ ትራክተሩ የትግራይ ገበሬ > ብል ፣ አሁን ሃሳቡ ሙሉ በሙሉ ይቀየራል ። ድሃው የትግራይ ገበሬ ስል ፣ በሃዘን እና በልብ መነካት ያነበበው ተደራሲ ፣ ባለ ትራክተሩ የትግራይ ገበሬ ስል የሚኖረው ስሜት በፍጹም አንድ አይሆንም ። ከዚህ የምንረዳው ቃላትን በመቀያየር ብቻ ፣ የሰውን ስሜት ማብራት እና ማጥፋት እንደሚቻል ነው ። ያም ሆኖ እነዚህ ክፉ እና ደግ ገላጮች ፣ ለጥፋት የመረሩ ተደርገው ቢቀርቡ ወይም ደሞ ለመወደድ ያማሩ እና ማር የተቀቡ ሆነው ቢቀርቡ ፣ መሬት ላይ ያለውን እውነታ መለወጥ አይችሉም ፣ ይህ ማለት መዘዝ የላቸውም ማለት አይደለም ።

ለምሳሌ ህወሓት በረሃ በነበረ ጊዜ ደግሞ ደጋግሞ ያቀነቅን የነበረውን <ጨቋኝ ያማራ ስርዓት > የሚለውን አርፍተ ነገር እንመልከት ። ይህ አርፍተ ነገር በመጀመሪያ በህውሃት ሊህቃን ፣ በስም በነ አረጋዊ በርሄ እና በነገብሩ አስራት የተቀነቀነ ቀጥሎም በስብሐት ነጋና በመለስ ዜናዊ አማካኝነት <ጭሰኛውን > የትግራይ ሕዝብ በአማራ ላይ ለማስነሳት በጥናት የተወቀረ እና የተቀናበረ ነበር ፣ በፈረንጅኛ (It is an ideology by the revolutionary TPLF elites which was deliberately crafted to decive the peasants of Tigray )። እንደውም የመጀመሪያዎች የሞት ገፈት ቀማሾች የትግራይ ባላባቶች ነበሩ ፣ ይህንንም ግድያ ያቀነባበረው አረጋዊ በርሄ ስለመሆኑ አንድ ሽሬ እንዳ-ስላሴ ተወልዳ ያደገች ፣ በ 1971 አም ከትግራይ ወደ ሱዳን ኮብልላ የሄደች ፣ አረጋዊ በርሄ ሳን ሆዜ በመጣ ጊዜ ፣ እኔ እሷ ና አረጋዊ በርሄ ባንድ ጠረፔዛ ላይ ምሳ ከበላን በሗላ ፣ እሱ ወደ ውጭ አየር ለመውሰድ ሲወጣ ማርጀቱን እና በዚያን ጊዜ የነበረውን ተሰሚነቱን ፣ አፍሮውን እያስታወሰች የነገረችኝ ታሪክ ነበር ። ይህች ሴትዮ አረጋዊ በርሄ ጎረቤቷ እንደነበርም አጫውታኛለች ። ይህንን የወንጀል ታሪክም በወቅቱ የነገረችኝ ፣ አረጋዊ በርሄ ሳን ሆዜ በተዘጋጀው የኢትዮ- ኤርትራ የውይይት መድረክ ላይ በ 2010 እአአ በሳንሆዜ ተገኝቶ ያድረገውን ንግግር በመስማቷና ፣ እሷ በግሏ ከዔሪትራውያኖች ጋ የሚደረገውን ወዳጅነት ስለማትፈልገው ፣ በንዴት የአረጋዊ በርሄን ሀጥያት ተነፈሰችው ። ለኔ ጥሩ መረጃ ነበር !

ወደ ዋናው ቁም ነገር ልመለስ ። እንግዲህ እነ አረጋዊ በርሔ እና ስብሐት ነጋ < ጨቋኝ ያማራ ስርዓት> ብለው በጥላቻ ያጠቆሩት እና በኮ/ል መንግስቱ ኃይለማሪያም አያና ( ዘር ባባት ከተጠራ መንግስቱ ኦሮሞ ነው ) ይመራ የነበረው ስርዓት ፣ እንዲህ እንደ-ዛሬው ካንድ ጎሳ የመጣ ውህድ እና ቅምር ( chemistry) ያለው ሥርዓት አልነበረም ። በደም እና በስልጣን ተዋረድ ዛሬ በሕይወት ያሉ ዔርትራውያኖች ስንወያይ እንደመሰከሩልኝ በወቅቱ ለደርግ ተቀጥረው የዔርትራን ሕዝብ ያስጨርሱ የነበሩት የትግራይ ልጆች እንደነበሩ ነው ። ይህ ሁኔታ በ ጀነራል ዳዊት ወ/ጊዮርጊስ ብልህ የተሞላበት አመራር ( 1973-1974 ) ፣ በዔርትራውያን ወጣቶች ላይ ይደርስ የነበረው ግድያ እና በደል ጋብ ሲል ፣ ሻዕቢያን ተቀላቅለው ጫካ ወርደው የነበሩ የአስመራ ልጆች ወደ አስመራ ከተማ መመለስ ሲጀምሩ ፣ ይህንን የሰላምን እና የመረጋጋት ( የሁኔታ ለውጥ ) ለመቀልበስ እነ መለሰ ዜናዊና አቦይ ስብሐት ይህ ነው የማይባል ሚና እንደነበራቸው ሰምቻለሁ !

እና ያ < ጨቋኙ ያማራ ስርዓት> ( በወያኔኛ ምልከታ ) ላይመለስ ሄዷል ። የቀረው < ጨቋኙ ያማራ ስርዓት> ተመልሶ እንዳይመጣ የ <ጨቋኙን አማራ ስርዓት > ልጆች ማጥፋት ነው ። ይህ አርፍተ ነገር ለድሃው የትግራይ ገበሬ ልክ ነበር ፣ ዛሬም ልክ ነው ። ይህ አባባል በየአንዳንዱ የትግራይ ተወላጅ ልቦና ውስጥ ፣ ደም ስር ውስጥ ፣ አስተሳሰብ ውስጥ እንደ እምነት ሰርጾ ይታያል ። ስለዚህ ቁ ነገሩ እና መነሳት ያለበት ሃሳብ ፣ የትግራይ ገበሬ ድሃ ስለሆነ ( በአስተሳሰብም በሰብልም ) የፈለገውን የማሰብ መብት ሲኖረው ፣ ምንም እንዳይታሰብበት የሚያዝም ሌላ አባሪ መብትም ባለቤት የሆነ ይመስለኛል ።

ሌላ ምልከታ

አንድ ከትግራይ ሀጋር የመጣ የትግሬ ለማኝ ፣ የትግራይ ሕዝብ በስርዓቱ ተጠቃሚ ላለመሆኑ እንደ ማሳያ መቅረብ ይችላል ወይ ? ይህንን ጉዳይ የስነ ልቦናም ይሁን የምጣኔ ሀብት ምሁሮች እያመሳከሩ እንደ መርጫ ሃሳብ ቢጠቀሙበት ምናልባት ከላይ እንደገለጽኩት < ለጊዜው ትርጉም የሚሰጥ ይመስል ይሆናል ፣> ነባራዊ እውነታውን ግን አይገለብጠውም ፣ አይለውጠውም! የነጭ ለማኝ በ አማሪካ ጎዳናዎች ላይ ማየት ፣ ነጭ -በአማሪካ ስርዓት ውስጥ ተጠቃሚ አይደለም ብሎ የመከጀል አይነት ነገርም ይመስለኛል ። እርግጥ ህወሓት የትግራይን ገበሬ ለመጥቀም በሚሊዮኖች የሚቆጠር ገንዘብ ያፈሳል ፣ በበረሃ ላይ የንፋስ ኃይል ማመንጫ ተክሎ የህዝቡን ሕይወት ለመቀየር ይተጋል ፣ አባይን ቤኒ ሻንጉል ግምዝ ጋ ገድቦ ነገ ለምትመሰረተው ታላቂቷ ትግራይ በሚታይ ሁኔታ ይተጋል፣ የትግራይ ልጆችን በ ( MIT ) ( MEKELE INSTITUTE ኦፍ TECHNOLOGY ) ጥራቱን በጠበቀ የትምህርት ደረጃ ያሰለጥናል ፣ ታዲያ ከነዚህ ግብዓቶች ባሻገር የተራበ ትግሬ ማየት ለምን ብርቅ ይሆናል ?
ችግሩ <ድሃው የትግራይ ገበሬ > የሚለው ገላጭ ላይ አይደለም ያለው ፣ ሃሳቤ የትግራይ ገበሬ የድርቅ እና የራብ ተጠቂ አልሆነም የሚልም አይደለም ፣ < እኔ > እያልኩ ያለሁት < ድሃው የትግራይ ገበሬ > ስለ ምንም ምክንያት ፣ እየራበውም ወያኔን ይደግፋል ። ልክ እዚህ አማሪካን ሀገር ያሉ አንዳድን ዘረኛ ነጮች ፣ ጎዳና ላይ ወድቀውም አንተ ጥቁር በመሆንህ ብቻ ሊንቁህ እንደምፈልጉት አይነት ። ስለዚህ የመነጋገሪያ ሃሳብ መሆን ያለበት የትግራይ ገበሬ ድህነት ሳይሆን ፣ እንደኔ ከኢትዮጵያዊነት አንጻር የትግራይ ገበሬ ሠብዓዊ ማንነት መሆን ያለበት ይመስለኛል ።
ድህነቱ ሃገራዊ ነው ፣ ጥላቻው እና ዘረኝነቱ ግን ክልላዊ ነው ። እየራበውም ያስራበውን የሚደግፍ ሥርአት ከራቡ አስበልጦ የሚወደው ነገር እስካለ ድረስ እኔ ስለሱ ሳወራ ስለ መራቡ ሳይሆኑ ከራቡ አስበልጦ ስለሚወደው ነገር ነው ፣ ነብሱን ስለሰጠለት ፍቅር ነው ። ከዚህ አንጻር ድሃው የትግራይ ገበሬ ብዬ እራሴን የማሳስትበት ገላጭ ቃላትም ይሁን ፣ ሰዋዊ ይሉኝታ የለኝም ። የትግራይ ገበሬ ድህነት ለኔ የሚታየኝ ፣ የትግራይ ገበሬ ለሌሎች ኢትዮጵያዊ ወንድሞቹ ቅን ሲሆን ብቻ ነው ። ለ ( political correctness ) ከፖለቲካ አንጻር ልክ ለመሆን ግን የተባለውን ሁሉ እያሉ መኖር ይቻላል ። እሱ እኔን አይመለከትም !

posted by Gheremew Araghaw

Single Post Navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: