The time for change

No bullet can stop the spirit of justice and democracy!!!

የአቶ ዠ የልማታዊ አርቲስትነት ደብዳቤ

zje

አቶ ዠ ደብዳቤ ጻፉ። 40 ዓመት ሙሉ መፈክር ሲጽፉ ኖረው፣ ኖረው፣ ኖረው አሁን አርቲስት ለመሆን የሚያበቃውን ዝግጅት የጨረሱ መስሎ ተሰማቸው። ሰሞኑን ለወጣው ማስታወቂያ “ብቁ ነኝ” ብለው አሰቡ።

ይድረስ፣ ለ“ኢህአዴግ ፍቅር” ቴአትር ቤት “ሥራ አስቀማጭ”፣ ይቅርታ በቀድሞ ስሙ የሀገር ፍቅር ቴአትር ቤት በመባል ለሚታወቀው … ሥራ አስኪያጅ፣
ጉዳዩ፣ በ23/2/2008 የወጣውን ማስታወቂያ አስመልክቶ፣ ከታች እንደሚታየው፣ የተለያዩ ኪነጥበባዊ ሥራዎችን ለማቅረብ “ልማታዊ” ፍላጎትን ስለመግለጽ።

የወጣውን ማስታወቂያ አስታኮ የተለያዩ ልማታዊ ኪነጥበባዊ ሥራዎችን ለማቅረብ 40 ዓመታት ሙሉ ተዘጋጅቻለሁ፣ ብቃት ያለኝም ነኝ። ከዚህ ኪነጥበባዊ ሥራ የሚገኘው ገቢም በከፊል ለታላቁ “ውዳሴ” ግድብ ቦንዳ (ይቅርታ “ቦንድ”) መግዣ እንዲውል ለመስማማት በገዛ ፍላጎቴ እገደዳለሁ። ይቅርታ ህዳሴ ማለቴ ነው። እኔ ዠ “ግድቡ ገና ሳይጀመር እራሳችሁን ለማወደስ ትጠቀሙበታላችሁ፣ ማለቁን እስኪ ለማየት ‘ገብረ እግዚሃብሔር’ ያብቃን” ብዬ በመጻፍ አልሳሳትም።

እነዚህ ኪነጥበባዊ ሥራዎቼን ለመከተብ የምጠቀምባቸው እስክሪብቶዎች ከዶማ ባልተናነሰ ወረቀቴን እየቆፈሩ ልማታዊ አርቲስት ለመሆን መነሳሳቴን ይመሰክራሉ ብል መንግሥታችን “ጣምራ ዲጂት ዕድገት አስመዘገብኩ” እንደሚለው አይነት መልካም ምኞት እንጂ አንዳንድ ኢ-ልማታዊ አሸባሪዎች እንደሚያቀርቡት ለዛ ቢስ ትችት እንደማይታይብኝ የሥራ አስቀማጭነትዎ የሰላ አዕምሮ አይስተውም ብዬ ልጽፍ አልደፍርም።

ከውዳሴው ግድብ ተጨማሪ ስለሴቶች ተጠቃሚነትም ለመጻፍም ልማታዊ ምኞቴ ነው። መንግሥታችን ሴቶች እህቶቻችንና እራሱን ተጠቃሚ ለማድረግ ልማታዊ ፈቃዱ በመሆኑ እልፍ አዕላፍ ሴቶች ወደየዐረብ ሀገራት እንዲሄዱና የእነዚህን ሀገራት ጓዳዎች እንዲያለሙ “መንገዱን ጨርቅ ያርግላችሁ” ብሏል። እነዚህ የሚሄዱት ሴቶች ደግሞ ድሆች በመሆናቸው በሌላ መልኩ መንግሥታችን ድህነትን ለመቅረፍ የተጠቀመበት፣ በጣም የታሰበበት የተራቀቀ የGrowth and Transformation Plan – GTP እንጂ የGet out and Transform to Slave Plan “ተሰደጂና ባሪያ ሁኝ” ስትራተጂ አለመሆኑን ለነዚህ ኢ-ልማታዊ አርቲስቶች ማን በነገራቸው? ክቡር ሥራ አስቀማጭነትዎ እንደሚገነዘቡት ለዚህ ነው የመፈክር መጻፊያ ብዕሬን ወደ ኪነጥበባዊ ብዕር ለመቀየር የተነሳሳሁት።

ደግሞ፣ ልማታዊው መንግሥታችን ወጣቶችን ተጠቃሚ አርቲስት ለማድረግ ከፍተኛ ዕቅድ በመያዙ፤ ለምሳሌ ያክል ድንጋይ መልካም ቅርጽ እንዲኖረው በመጥረብ ኮብል ስቶን እንዲያነጥፉ ቤቶችን በማፈራረስ ጎዳናዎችን አዘጋጅቷል። እንግዲህ ይህ ጥበባዊ ሥራ ነው። እነማይክል አንጀሎ ድንጋይ በመጥረብ አይደለም እንዴ ታዋቂ የሆኑትና ጣልያንን ገናና ያደረጉት?

በሌላ መልኩ ደግሞ መንግሥታችን ገደላ ገደል፣ በረሃ ሳይፈራ የባቡርና የመኪና መንገድ እያስፋፋ ነው። ክቡር ሥራ አስቀማጭነትዎ ደብዳቤዬን ከማጠቃለሌ በፊት አንድ የበባቡር ሐዲድ ታሪክ ታሪክ ልጻፍልዎ።

ሐዲዱ የሺምላ ካልካ የባቡር ሐዲድ ነው። ሕንድ ውስጥ የሚገኝ፣ በእንግሊዞች የተሠራ። ደልሂ ከተማን ከሂማማልያ ተራሮች እግር የሚያገናኝ የባቡር ሐዲድ። ይህ ሐዲድ ሲዘረጋ እጅግ አስቸጋሪ ነበር። ተራሮችን ሰርስሮ መሿለኪያ መሥራት ያስፈልግ ነበር። ከሁሉም ረዥሙ መሿለኪያ 1143 ሜትር ይረዝማል።

ይህንን መሿለኪያ (tunnel) የቀየሰው የእንግሊዝ መሐንዲስ ባሮግ ይባላል። ኢንጂነር ባሮግ ሥራውን በቶሎ ለማጠናቀቅ ይረዳው ዘንድ ተራራው በሁለት በኩል እንዲቦረቦር ያቅዳል። ዕቅዱም ከሁለት አቅጣጫ መሿለኪያዎች ሲቦረቡሩ መሃል ላይ ይገጣጠማሉ የሚል ነበር። ሆኖም ግን ቅያሱ ትንሽ ስህተት ስለነበረበት ከሁለት አቅጣጫ የተቦረቦሩት መሿለኪያዎች እንደታቀደው ሳይገናኙ ቀሩ። በዚህ የተናደደው የብሪታንያ መንግሥት ኢንጂነር ባሮግን አንድ ሩፒ ቀጣው። ሩፒ የሕንድ ገንዘብ ነው። የተጣለበትን ኃላፊነት አለመወጣቱን የተገነዘበውና ይህ ፕሮፌሽናል ስህተት ያበሣጨው ኢንጂነር ባሮግ ደግሞ እራሱን ገደለ። ዛሬ ያ መሿለኪያ የባሮግ መሿለኪያ – Barog Tunnel በመባል ይታወቃል።

እንግዲህ እንደዚህ ያሉ ትላልቅ ፕሮጀክቶችን፣ ለምሳሌ የሥኳር ፋብሪካዎችን፣ የሚወጥነው ልማታዊው መንግሥታችን፣ ብዙ ገንዘብ አፍስሶ ውጥኑ ሳይሳካለት ቢቀር እራሱን ያጥፋ የሚል አመለካከት ያላቸው ኢ-ልማታዊ የሆኑ፣ ጥቂት ግለሰቦች ሊኖሩ ይችላሉና በልማታዊ ብዕር ልንዋጋቸው ይገባል ባይ ነኝ።

ፊርማ

EMF

posted by Gheremew Araghaw

Single Post Navigation

2 thoughts on “የአቶ ዠ የልማታዊ አርቲስትነት ደብዳቤ

  1. I have a comment. You need to put source and the author’s name. Otherwise it seems like your work.

    Respectfully,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: