The time for change

No bullet can stop the spirit of justice and democracy!!!

ትግራይ የራሷን ቴሌቪዝን ጣቢያ አቋቁማ ቅዳሜ አስመረቀች! ከማዕከላዊ አስተዳደር ነጻ የሆነው የመጀመሪያው የክልል ቴሌቪዥን!

Foto ENA

“በልማትና ሌሎች ስራዎች ደማቅ ታሪክ የሰራ ህዝብ ላለፉት ዓመታት የአንድ ሰዓት ስርጭት ማግኘት በቂ ስላልነበር መንግስት የህዝቡን ጥያቄና አቅሙን በማገናዘብ ጣቢያው ሊቋቋም ችሏል ብለዋል።”

መቀሌ ታህሳስ 9/2008 ((ኢዜአ) መገናኛ ብዙሃን ሁለተኛውን የእድገትና ትራንስፎርሜኝን እቅድ ማሳካት የሚያስችላቸውን የሚድያ ሰራዊት ለመፍጠር ሊረባረቡ እንደሚገባ የትግራይ ክልል ርእሰ መስተዳድር አሳሰቡ።

የትግራይ መገናኛ ብዙሃን ኤጀንሲ ላለፉት 24 ዓመታት ከፌዴራል መንግስት በኪራይ ሲሰራበት ከቆየው የአንድ ሰዓት ስርጭት ተላቆ በትግርኛ ቋንቋ ሰፊ የአየር ሰዓት በመያዝ መደበኛ ስርጭት ከዛሬ ጀምሮ ከመቀሌ ከተማ ማስተላለፍ ጀምሯል።

የቴሌቭዥን ጣቢያው ዛሬ ሲመረቅ ርእስ መስተዳድሩ አቶ አባይ ወልዱ እንደተናገሩት የአንድ ልማታዊ ሚዲያ ቀጣይነት የሚረጋገጠው ህዝብን ከድህነትና ድንቁርና በማላቀቅና ህብረተሰባዊ ለውጥ በሚያመጡ ጉዳዮች ላይ አተኩሮ ሲሰራ ነው።

በልማትና ሌሎች ስራዎች ደማቅ ታሪክ የሰራ ህዝብ ላለፉት ዓመታት የአንድ ሰዓት ስርጭት ማግኘት በቂ ስላልነበር መንግስት የህዝቡን ጥያቄና አቅሙን በማገናዘብ ጣቢያው ሊቋቋም ችሏል ብለዋል።

የረጅም ጊዜ ራእይ በማስቀመጥ የቴሌቭዥን፣ ሬድዮና ህትመት ውጤቶችን የሚያጠቃልለውን የክልሉ መገናኛ ብዙሃን ኤጀንሲ በ2001 በአዋጅ እንዲቋቋም መደረጉን አስታውሰዋል።

የአንድ ልማታዊ ሚዲያ ትኩረት የህዝቡን መሰረታዊ ችግሮች መለየትና ከዚሁ ለመውጣት የሚያደርገውን ጥረት ከማሳየት በተጨማሪ የሚዲያው ፕሮግራሞች በአይነትና ጥልቀት አስተማሪነታቸውና አዝናኝነታቸው የህዝቡን ፍላጎት የሚያሟሉ ሲሆኑ ብቻ ነው ብለዋል።

ለስርዓቱ አደጋ የሆነውን ኪራይ ሰብሳቢነት መዋጋት፣ በመልካም አስተዳደርና ዲሞክራሲ ስርአት ግንባታ የህዝብና የመንግስት ሚና ምን መሆን እንዳለበት ማተኮርና ህብረተሰቡ ወደ ለውጥ ጎዳና እንዲያመራ የበኩሉን ሚና የሚጫወት ሚድያ ሊሆን ይገባልም ብለዋል።

የመንግስት ኮሙኒኬሽን ጉዳዮች ጽህፈት ቤት ኃላፊ ሚኒስትር አቶ ጌታቸው ረዳ እንደገለጹት የህዝብ ቋንቋና ኪነጥበብ እንዲያድግ ሚድያ የሚኖረው ድርሻ የላቀ በመሆኑ የሚያዘጋጃቸው የፕሮግራሞች ይዘቶች ወሳኝነት አላቸው።

አለምን ያስደነቁ ብዙ ታሪካዊ ክስተቶችን ከሰራው ህዝብ ጎን ሆኖ ስርጭት ማካሄድ የመረጃ እጥረት ይገጥማል የሚል ስጋት እንደማይኖር ሚኒስትሩ ገልጸው ለመገናኛ ብዙሃን ከመንግስት የሚደረገው ድጋፍም ተጠናክሮ ይቀጥላል ብለዋል።

ኤጀንሲው ከዛሬ ጀምሮ በሳምንት ለ76 ሰዓታት ማሰራጨት የሚጀምር ሲሆን ፣ 53 ፕሮግራሞች ሲቀረጹ በአሁኑ ወቅት ካለው የሰው ሃይል አንፃር 30 የሚሆኑ የስርጭት ፕሮግራም መጀመሩን ስራ አስኪያጁ አቶ ገዛኢ ገብረስላሴ ተናግረዋል ።

ኤጀንሲው አሁን ያለበት ደረጃ እንዲደርስ ድጋፍ ላደረጉ አካላት በእለቱ የክብር እንግዶች የሽልማት ስነስርዓት አካሂዷል።

በምረቃው ስነስርአት ላይ ጥሪ የተደረገላቸው የፌደራልና ክልል እንግዶች ተገኝተዋል።
http://ethiopiaobservatory.com/

posted by Gheremew Araghaw

Single Post Navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: