The time for change

No bullet can stop the spirit of justice and democracy!!!

ወልቃይት ጠገዴ ትግራይ ወይስ ጎንደር ? – ግርማ ካሳ

አሁን በትግራይ ክልል ዉስጥ የተቀላቀለው፣ ከተከዜ በስተምእራብ የሚገኘው የወልቃይት፣ ጠገዴ ጠለምትን ሁመራ መሬት በአጼ ኃይለስላሴ የቤጌምድር አካል ነበር። በደርግ ጊዜ ደርግ ለምን እንደሆነ እውቀቱ የለኝም፣ በጌምድር የሚለው ስም ቀይሮ ክፍለ ሃገሩ ጎንደር ተብሎ እንዲጠራ አደረገ። እንደዚያም ሆኖ እነ ወልቃይት ጠገዴ የጎንደር ክፍለ ሃገር አካል ነበሩ።
ጣሊያን ኢትዮጵያን ወሮ በነበረ ጊዜ ጎንደር፣ ጎጃም ወሎ…የሚለው ሰርዞ ሁሉንም “አማራ” ብሎ ነበር የሚጠራው። ትግራይ ደግሞ ኤርትራ ዉስጥ ተቀላቅላ ነበር። ጎንደር፣ ጎጃም፣ ትግራይ…የሚባል ነገር አልነበረም። ታዲያ ያኔ አሁን ምእራብ ትግራይ ዞን የሚባለው የወልቃይት ጠገዴ አካባቢ ኤርትራ ዉስጥ ሳይሆን አማራ ተብሎ የተጠራው ክልል ዉስጥ ነበር።

በወልቃይት ጠገዴ የሚኖሩት አማርኝም ትግሪኛ የተወሰኑት አረብኛም የሚናገሩ ናቸው። (multilinguals) ሆኖም በትግራይ ክፍለ ሃገር ሥር ሆነው አያውቁም። እንደ ጎወልቃይቴ፣ ጎንደሬ እንጂ ራሳቸዉን እንደ ትግሬ የቆጠሩበት ሁኔታ አልነበረም። ሆኖም መሳሪያ የታጠቀው የሕወሃት መንግስት ወልቃይቶችን፣ ጠገዴዎችን “ትግሬዎች” ናችሁ ብሎ በጉልበት ወደ ትግራይ ክልል የቀለቀለበት ሁኔታ ነው ያለው።ለዚህም ድርጉት ሌጂቲማሲ ለመስጥት እየተጠቀመበት ያለው የሕዝብ ቆጠራን ዉጤት ነው።

በ2007 የሕዝብ ቆጠራ ዉጤት ላይ የሰፈረዉን ብንመለከት፣ የ2007 መቶ በመቶ ምርጫ ውጤት ነው የሚመስለው። ለምሳሌ በጠገዴ “አማራ” የተባሉት 129 ብቻ ናቸው፤ ከ96115 የወረዳው ነዋሪ። በወልቃይት ወረዳ ደግሞ ከ90182 ነዋሪ 2482 ብቻ። ከነአጋሜ፣ ከነ እንደርታ ይልቅ ወልቃይት ጠገዴ የጠራ የትግሬ አገር እንደሆነ ነው እየነገሩን ያሉት።

ሆኖም ከሕዝቡ የምንሰማው ሌላ ነገር ነው። ሕዝቡ ትግሪኛ ስለምንችል ያለፍቃዳችን ነው፣ ማንነታችን ተረግጦ ትግሬ የምንባለው፤ እኛ ጎንደሬዎች ነን። ወደ ጎንደር መጠቃለል ነው የምንፈለገው” እያለ ነው። ህዝቡ ኮሚቴዎች አዋቅሮ፣ ጉዳያቸውን ሰላማዊ በሆነ መንገድ ለመፍትት እየተንቀሳቀሱ ነው። ለፌዴራል መንግስት አሳወቀዋል።

“ወልቃይት ወደ ትግራይ የተካለለው ወያኔ ስልጣን ሳይያዝ መሳሪያ ከሱዳን ወደ ትግራይ ለማስገባት በማሰብ ነው :: ይህ ደግሞ የህዝቡን ስሜት ያማከለ አይደለም :: በጣም ህገወጥ ነው ለስልጣን ብቻ ተብሎ የተደረገ ነው :: ወደፊት ይህ ዲሞክራሳዊ ያልሆነ መንግስት ተወግዶ ህዝባዊ መንግስት ስመሰረት ህዝቡ በነጻነት መወሰን ያለበት ጉዳይ ነዉ” ይላሉ ዶክተር አረጋዊ በርሄ፣ የህወሃት መስራች እና ከፍተኛ አመራር ነበሩ። ማን ይንገር የነበረ፣ ማን ያርዳ የቀበረ እንደሚባለው ስለወልቃይት ጠገዴ ህዝብ፣ የሕወሃት ቁንጮ የነበሩት ከተናገሩት በላይ ሌላ ምን ሌላ መረጃ ያስፈልጋል።

ከዚህ በመቀጥል በጣሊያን ጊዜ የነበረዉን ካርታና የሕዝብ ቆጠራውን ዉጤት የሚያሳይ ሰንጠረዥ ይመልከቱ።

posted by Geremew Aragaw

Single Post Navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: