The time for change

No bullet can stop the spirit of justice and democracy!!!

የአባይ ጉዳይ፡ ሱዳን የግብጽን ስጋት እንደምትጋራ ገለጸች!

(EMF) የሱዳን ውጭ ጉዳይ ሚንስትር የሆኑት ኢብራሂም ጋንዱር ዛሬ ካይሮ ግብጽ ውስጥ ከአገሪቱ የፖለቲካ መሪዎች ጋር ተወያይተው ነበር። እንደውጭ ጉዳይ ሚንስትሩ መግለጫ ከሆነ፤ “ሱዳንም የግብጽን አቋም የምትደግፍበት ሁኔታ አለ። በተለይም በአባይ ግድብ ምክንያት የሚነሳ ብሄራዊ ጉዳት ካለ፤ ሱዳን የግብጽን አቋም የምትደግፍ መሆኗን ገልጸዋል። ሆኖም እስካሁን ግድቡ በሱዳን እና በግብጽ ላይ የሚያደርሰው ተጨባጭ አደጋ አልታየንም” በማለት ተናግረዋል። በኢትዮጵያ እና በግብጽ መካከል ስላለው አለመግባባት እና የሱዳን ሚና ምን እንደሚሆን ተጠይቀው ሲመልሱ፤ “ሱዳን ሁለቱን አገሮች የማደራደርም ሆነ፤ የማስታረቅ ሚና የላትም” በማለት በዛሬው ስብሰባ መግለጣቸው የግብጽ እለታዊ ዜና ሆኗል።

የሱዳኑ ውጭ ጉዳይ ሚንስትር ከግብጹ ፕሬዘዳንት ጋር።

የሱዳኑ ውጭ ጉዳይ ሚንስትር ከግብጹ ፕሬዘዳንት ጋር።

የሱዳኑ ውጭ ጉዳይ ሚንስትር ኢብራሂም ጋንዱር በካይሮ ቆይታቸው ወቅት፤ ክግብጹ አቻቸው ሳመኽ ሹክሪ እና ከግብጹ ፕሬዘዳንት አብደል ፈታህ አል-ሲሲ ጋር ተገናኝተው ተነጋግረዋል።

ግብጽ የአባይ ግድብ ጉዳይ እጅጉን የሚያሳስባት፤ የኑሮ ዋስትናቸው ዋና መሰረት በመሆኑ ነው። ግድቡ እስከሚሞላ ድረስ የታች አገር ሰዎች ለተወሰነ ግዜ በውሃ እጥረት መቸገራቸው አይቀሬ ነው። በዚህ የውሃ እጥረት ምክንያት ሊያገኙ የሚችሉት ውሃ መቀነሱ ያሳስባቸዋል። ከራሳቸው መጠጥ አልፎ የአትክልት እና ፍራፍሬዎቻቸው ውሃ ማጣት፤ የውሃ ውስጥ አሳዎች መሞት፤ ከዚሁ ጋር ተያይዞ ሊመጣ የሚችለው ድርቅ አንቅልፍ ነስቷቸዋል።

ግብጾች ከውሃ እጥረቱም ባሻገር ‘ግድቡ ቢፈርስ’ በሚል የሚያቀርቡት መላምት አስደንጋጭ ነው። ይህ ግብ በተባለው መሰረት ከሞላ በኋላ በመሬት መንቀጥቀጥ ወይም በሌላ ምክንያት ቢፈርስ ካርቱም እና ካይሮን ሙሉ ለሙሉ ሊያጠፋቸው እንደሚችል ይናገራሉ። ግድቡ ሊፈርስ የሚችልበትን ምክንያት ሲያስረዱ፤ “ግድቡ ሊፈርስ የሚችለው በተፈጥሮ አደጋ ብቻ አይደለም። ግድቡ ከተጠናቀቀ በኋላ፤ በ5 እና በአስር አመት ውስጥ ወለሉ ላይ የሚጠራቀመው የአፈር ዝቃጭ፤ እየሞላ መጥቶ ግድቡን ሊያፈርሰው ይችላል።” የሚል ጥናት አቅርበዋል። በዚህ እና በተጓዳኝ ምክንያቶች ግብጽ በስጋት ውስጥ ትገኛለች።

በዚህ ስጋት መሃል ወደካይሮ የሄዱት የሱዳኑ ውጭ ጉዳይ ሚንስትር፤ “እኛ እስከምናውቀው ድረስ ግድቡ የሚሰራው በታዋቂ ካምፓኒዎች ነው። ስጋታቹህ ግን እኛንም ያሳስበናል።” በማለት ግብጻውያኑን አጽናንተዋል።

EMF

posted by Geremew Aragaw

Single Post Navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: