The time for change

No bullet can stop the spirit of justice and democracy!!!

የአለም ባንክ በኢትዮጵያ ጉዳይ ተቸች

world-bank

ሳተናው)  ‹‹ኃላፊነት ማለት ስህተትን ማመንና ለተፈጠረውም ስህተት ተጠያቂነትን መቀበል እንደሆነ አስባለሁ፡፡ይህ አስተሳሰብም ለግለሰቦችም ይሁን ለተቋማት እንደሚሰራም እስካሁን ድረስ አምናለሁ፡፡እንደ አለም ባንክ ያለ ትልቅ ተቋም ስህተት ሲሰራም ተጠያቂነቱን በመውሰድና ይቅርታ በመጠየቅ እንዲህ አይነት ስህተት በድጋሚ እንዳይፈጠር የተቻለውን ሁሉ ያደርጋል በማለት እጠብቅ የነበረ ቢሆንም ይህ ሊሆን አልቻለም›› የሚሉት የኦክላንድ ኢንስቲትዮት የፖሊሲ ባለሞያ ኤልሳቤጥ ፍሬዘር ናቸው፡፡

ኤልሳቤጥ ባለፈው ዓመት የአለም ባንክ በኢትዮጵያ አዲስ ፕሮግራም ለመደገፍ በጀት ማጽደቁን ያስታውሳሉ፡፡በወቅቱ በኢትዮጵያ ገጠራማ ክፍሎች የሚገኙ ሰዎች ንጹህ የመጠጥ ውሃ፣መንገድ፣ትምህርት፣የጤና ጥበቃና ሌሎች መሰረታዊ ነገሮችን እንዲያገኙ ለማድረግ በማሰብ የገንዘብ እገዛ አድርጎ ነበር፡፡ነገር ግን ፕሮግራሙ እስካሁን ድረስ በመሬት ላይ የሚታይ ውጤት አለማምጣቱን በመጥቀስ ኤልሳቤጥ ትችታቸውን ያቀርባሉ፡፡

እንደምሳሌነት የአኙዋክ ማህበረሰብን የሚያነሱት ኤልሳቤጥ የኢትዮጵያ መንግስት የማህበረሰቡን ለም መሬት ለኢንቨስተሮች አሳልፎ ሲሰጥ ነዋሪዎቹን በኃይል ከመሬታቸው እንዲነቀሉ ማድረጉን በመጥቀስ የአለም ባንክ በዚህ ዙሪያ ምንም አለማለቱ እንዳስገረማቸው አውስተዋል፡፡

ለአለም ባንክ በድርጅታቸው የኦክላንድ ኢንስቲትዮት አማካኝነት በ2007 መጀመሪያ ሪፖርት ቀርቦ እንደነበር የሚያስታውሱት ባለሞያዋ በሪፖርቱ የአለም ባንክ ለኢትዮጵያ ያደረገው የገንዘብ ድጋፍ በአግባቡ ስራ ላይ አለመዋሉንና ባንኩም የለገሰው ገንዘብ በምን ስራ ላይ እንደዋለ አለመከታተሉን ተገልጾ የነበረ ቢሆንም ምንም አይነት ምላሽ ከባንኩ አለመገኘቱን ጠቅሰዋል፡፡

ኤልሳቤጥ ሪፖርቱ ከወጣ በኋላ አለም ባንክ ስህተቱን በማመን ኃላፊነት እንደሚወስድ ጠብቀው እንደነበር በመግለጽ በአስገራሚ ሁኔታ ባንኩ ያለምንም ቅድመ ሁኔታ በኢትዮጵያ መንግስት የቀረበን አዲስ ፕሮጀክት እስከ 2011 በ600 ሚልዩን ዶላር ለመደገፍ መወሰኑን ማስታወቁ እንዳስገረማቸው አስፍረዋል፡፡

ለአለም ባንክ ከፍተኛውን የበጀት ድጎማ የምታደርገው አሜሪካ ጭምር የኢትዮጵያ መንግስት ዜጎቹን ከትውልድ መንደራቸው በሃይል እያፈናቀለ መሬታቸውን ለባለሐብቶች መስጠቱን መቃወምና ይህንን እስኪያቆም ድረስም በገንዘብ ፕሮጀክቶቹን እንደማይደግፉ ማስታወቅ ሲጠበቅባቸው ያለምንም ቅድመ ሁኔታ ድጋፋቸውን ማድረጋቸው በአገሪቱ ለሚፈጸመው የሰብዓዊ መብት ረገጣ ተጠያቂነትና ኃላፊነትን ሊወስዱ ይገባል ብለዋል፡፡

ምንጭ –  ኦክላንድ ኢንስቲዮት

posted by Geremew Aragaw

Single Post Navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: