The time for change

No bullet can stop the spirit of justice and democracy!!!

የሰውነት ክፍሎቻቸው ከተወሰደባቸው ስደተኞች ውስጥ ኢትዮጵያዊያን ይገኛሉ ተባለ

somalia-e1459984847288

(ሳተናው) በ2003 ሁስኒ ሙባረክን ከስልጣን የፈነገለው የግብጻዊያን አብዩት በአገሪቱ የፖለቲካ አለመረጋጋትን መፍጠሩ መቆየቱ የሰዎችን የሰውነት ክፍሎች በህገ ወጥ መንገድ እየወሰዱ ለገበያ ለሚያቀርቡ ደላሎች ምቹ ሁኔታን ፈጥሮላቸዋል፡፡

የኦርጋን ፌይለር ሶልዩሺንስ ጥምረና ትርፋማ ያልሆነው አለም አቀፉ የጤና እና ሰብዓዊ መብት ተቋም በጋራ ባወጡት ጥናት በዋናነት አፍሪካዊያን ስደተኞች በህገ ወጥ መንገድ የሰውነት ክፍሎቻቸው እየተወሰዱ የሚቸበቸቡባቸው መሆኑን አጋልጠዋል፡፡

ለመጀመሪያ ጊዜም አፍሪካዊያን ስደተኞችን ኢላማቸው ባደረጉ የሰውነት ክፍል ቀበኞች በሰሜን አፍሪካዊቷ ግብጽ የጥገኝነት ጥያቄ ለማቅረብ ወደ አገሪቱ ያመሩ የነበሩ ዘጠኝ ሶማሌያዊያንን በመያዝ ከሰውነት ክፍሎቻቸው የሚፈልጉትን ከወሰዱ በኋላ ገድለው ባህር ላይ እንደጣሏቸው ለማወቅ ተችሏል፡፡

ዘጠኙ ሱማሌያዊያን አንዲት እናትና ሁለት ህጻናት ልጆቿ ይገኙባቸዋል ሰውነታቸው ተቀድዶ መሰፋቱን ከአሌክሳንዲሪያ ከተማ አጠገብ በሚገኘው ባህር ላይ ወድቆ የተገኘው አስከሬናቸው ያሳያል፡፡ሰዎቹ ሰውነታቸው በደም ተጨማልቆና ህጻናቱ ጭምር ሰፊ የስፌት ምልክት በደረታቸውና ሆዳቸው ላይ ሰፍሮ በግልጽ ይታያል፡፡

ሪፖርቶች ስደተኞቹ ወደ ጣልያን እንደምታመራ በተነገረላት ጀልባ ላይ ቀደም ብለው ተሳፍረው እንደነበር አረጋግጠዋል፡፡ነገር ግን በጀልባዋ የጫኗቸው ሰዎች ወዳልታወቀ ቦታ ከወሰዷቸው በኋላ የሰውነት አካላቶቻቸውን በመውሰድ ገድለው ሳይጥሏቸው አይቀርም ብለዋል፡፡

የሶማሊያዊያኑ ስደተኞች ፎቶግራፍ በማህበራዊ ድረ ገጾች ከተለቀቀ በኋላም በተለይ የሁለት ልጆች እናት የነበረችውና ህጻናቱ ልጆቿን የሚያውቁ ሰዎች መገኘታቸው ተነግሯል፡፡

የህጻናቱ ወላጅ እናት አዳር ሃሳን አዳዌ እንደምትባል የገለጹት የቅርብ ሰዎቿ አቡካር አብዲካሪም የሶስት ወር ህጻን ታላቁ ደግሞ አንፋ አብዲካም እንደሚባልና ገና የአንድ ዓመት ከስድስት ወር ህጻን መሆኑን ተናግረዋል፡፡

የጥናት ቡድኑ እንደሚያነው ከሆነም የነዚህ ጨካኞች ተጠቂ ስደተኞች ቁጥር በሺህዎች ይገመታል፡፡ከሱማሊያዊያኑ በተጨማሪም በመቶዎች የሚቆጠሩ ሱዳናዊያን፣ጆርዳናዊያን፣ኤርትራዊያን፣ኢትዮጵያዊያን፣ኢራቃዊያንና ሶሪያዊያን ስደተኞች ይገኙበታል፡፡

የግብጽ መንግስት በቅርቡ ባወጣው አዋጅ  የሞተን ሰው የሰውነት ክፍልን መውሰድ ከልክሏል፡፡ነገር ግን ሂደቱን የሚከታተል አካል ሳይቋቋምና የቁጥጥር አቅሙን ሳያሳድግ መንግስት በህይወት ከሚገኝ ሰው የሰውነት ክፍልን ልገሳ መፍቀዱም ሁኔታውን እንዳባባሰው የጥናት ቡድኑ አስታውቋል፡፡

በአውስትራሊያ የሚገኙ ሱማሊያዊያን ስደተኞች ግብጽ ከለላ ፈልገው በሚመጡ አፍሪካዊያን ስደተኞች ላይ ህገ ወጦች እያደረሱ የሚገኙትን ግፍ በቸልታ እንዳትመለከት ንቅናቄ መጀመራቸውን አስታውቀዋል፡፡በንቅናቄው አራማጆች እምነትም በቅርቡ ብቻ 18 ህጻናቶች ተገድለው የሰውነት አካሎቻቸው ተወስደዋል፡፡

ምንጭ  ካባያስ

posted by Geremew Aragaw

Single Post Navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: