The time for change

No bullet can stop the spirit of justice and democracy!!!

የ”ኢትዮጵያ ሰብአዊ መብት ኮሚሽን” በገዥው ቡድን የተቋቋመና ተአማኒነት የሌለው ተቋም በመሆኑ ያቀረበው ሪፖርትም ተቀባይነት የለውም፡፡

የ”ኢትዮጵያ ሰብአዊ መብት ኮሚሽን” በገዥው ቡድን የተቋቋመና ተአማኒነት የሌለው ተቋም በመሆኑ ያቀረበው ሪፖርትም ተቀባይነት
የለውም፡፡
በዜጎች ላይ የደረሰው ጥፋት በገለልተኛ አካል ይጣራ!!
(በሰማያዊ ፓርቲ ብሐራዊ ሸንጎ የተሰጠ መግለጫ)
በሐገራችን የተቀሰቀሰውን ህዝባዊ ተቃውሞ ተከትሎ መንግስት በወሰደው እርምጃ የበርካታ ዜጎችን ህይወት ቀጥፏል፤በብዙ ሺዎች የሚቆጠሩ ዜጎች ላይ የአካል ጉዳት ደርሶባቸዋል፡፡ የተነሳውን ህዝባዊ ተቃውሞ ለማፈን መንግስት የአስቸኳይ ጊዜ አዋጅ አውጆ ሐገራችን በወታደራዊ አገዛዝ ስር ትገኛለች፡፡ በሕዝባዊ ተቃውሞው የደረሰውን ጥፋት በተመለከተ በመንግስት የተቋቋመው “የኢትዮጵያ ሰብአዊ መብቶች ኮሚሽን” ያቀረበው ሪፖርት ተቀባይነት የሌለውና ተቋሙ የመንግስትን ጥፋት በሰብአዊ መብት ኮሚሽን ስም ለመሸፈን የተቋቋመ ድርጅት መሆኑን ያረጋገጠ ነው፡፡ በመሰረቱ “የኢትዮጵያ ሰብአዊ መብቶች ኮሚሽን” የተባለው ተቋም የተመሰረተው መንግስት በሕዝብ ላይ የሚፈፅማቸውን ኢ ሰብአዊ ድርጊቶች የሚያጋልጡ ሐገር በቀል ተቋማትን አሳዶ በማፍረስ ገዥው ቡድን በራሱ አምሳያ ያቋቋመው ድርጅት በመሆኑ ከዚህ የተለዬ ሪፖርት ሊያቀርብ እንደማይችል የሚታወቅ ነው፡፡ ይህ ተቋም ዛሬም ሆነ ባለፉት ጊዚያት ባቀረባቸው ሪፖርቶች እንድም ጊዜ ገለልተኛ ሆኖ የማያውቅና የገዥውን ቡድን ጥፋት በሌሎች አካላት ላይ ለማላከክ የሚሯሯጥ ተቋም መሆኑን አረጋግጧል፡፡


አገዛዙ ሕዝብ ላነሳቸው ጥያቄዎች ተገቢውን መልስ በመስጠት ችግሩ እንዳይደገም ከመጣርና ጥፋቱን የፈፀሙ አካላትን በሕግ እንዲጠየቁ ከማድረግ ውጭ መንግስት ባቋቋመው የሰብአዊ መብት ኮሚሽን ሪፖርት የመንግስትን ጥፋትና ተጠያቂነት ማስቀረት አይቻለውም፡፡ አሁንም ቢሆን ህዝብ ዲሞክራሲያዊና ሰብዓዊ መብቱን ተጠቅሞ ጥያቄዎች ባነሳ ቁጥር በመግደልና በአስቸኳይ ጊዜ አዋጅ በማወጅ ሐገርን በወታደራራዊ አገዛዝ ስር ማስተዳደር እንደማይቻል በመገንዘብ ሕዝብ ላነሳቸው ጥያቄዎች ተገቢውን ምላሽ እንዲሰጥ፣ የደረሰው ጥፋት በሌላ ገለልተኛ አካል እንዲጣራ፣ በሕዝብና በሐገር ላይ ጥፋት ያደረሱ አካላት ለሕግ እንዲቀርቡ እየጠየቅን አጠቃላይ በአገዛዙም ሆነ በስሩ የተቋቋሙ አካላት በህዝብ ላይ የሚፈፅሙት በደል የቀጠለው በሕዝብ የተመረጠ፣ ለሕዝብ የሚሰራ ከሕዝብ ውክልና ያገኘ ዲሞክራሲያዊ ሥርዓት ባለመኖሩ ስለሆነ ሕዝባዊ ሥርዓትን እውን ለማድረግና የዜጎች ሰብዓዊና ዲሞክራሲያዊ መብት እንዲከበር ህዝቡ ትግሉን አጠናክሮ እንዲቀጥል ጥሪያችንን እናቀርባለን፡፡

posted by Gheremew Araghaw

Single Post Navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: