The time for change

No bullet can stop the spirit of justice and democracy!!!

የጭንቅ ቀን ሳይመጣ ኢትዮጵያዊ ፍቅርን መልሱ!!! – ከተማ ዋቅጅራ

ከተማ ዋቅጅራ

ኢትዮጵያዊነት መሳጭ ነው። ኢትዮጵያዊነት ተነቦ የማያልቅ ጥልቅ ነው። ኢትዮጵያዊነት እንደ አለት የጸና ነው። ኢትዮጵያዊነት የክርስትና እና የእስልምና የሃይማኖት ጽናት ተምሳሌነት ነው። ኢትዮጵያዊነት የሰው ዘር መገኛ ነው። ኢትዮጵያዊነት ለአለም ውጥረት መተንፈሻ የተስፋ ምድር ነው። ኢትዮጵያዊነት ከደምና ከስጋ ጋር የተዋኅደ ውኁድ አንድነት ነው። ኢትዮጵያዊነት ኩላሊት ከሚያመላልሰው በላይ ረቂቅ ልብ ከሚያስበው በላይ ጥልቅ አእምሮ ከሚገነዘው በላይ ሰፊ ነው። በዚህ 26 አመት ውስጥ እንዲህ ብሎ መግለጽ ግን ወንጀል ነው። እንዲህ ብሎ ማሰብም የድሮ ስርአት ናፋቂም ያስብላል። እንዲህ ብሎ ስለእውነት መመስከርም በ21 ክፍለ ዘመን የማይታሰብ አስተሳሰብ አሳቢ ያሰኛል።

ታድያ እስቲ እናንተን እንስማችሁ የአሁን ስርአት ናፋቂዎች ምን እየሰራችሁ ነው? እውነትስ ካላችሁ ህዝቡ ውስጥ ያለውን ችግር ገልጻችሁ የመንገር አቅሙ ለምን አጠራችሁ? የ21 ክፍለ ዘመን የሚፈልገው አስተሳሰብ ምን ምን ናቸው? የሚሉትን በግልጽ ብታሳውቁን የሚሉ ጥያቄዎች ወደ ተናጋሪዋቹ ዘንድ ይመጣል ። መናገር ብቻ ሳይሆን ለምትሉት ነገር በቂ ማብራሪያ ከነሙሉ መረጃው ያስፈልጋል። ካለበለዛ የጭንቅ ቀን ስትመጣ ብቻ ኢትዮጵያዊ ነኝ በማለት ከችግር መውጣት አልያም ከተጠያቂነትም ማምለጥ አይቻልም።
ኢትዮጵያዊነት ከሰሜን እስከ ደቡብ ከምስራቅ እስከ ምዕራብ አንድ ነው የምንለው ለዚህ ነው ። ኢትዮጵያውያን እህቶቻችን በኢትዮጵያ ሰንደቅ ዓላማ አሸብርቀው ።

የሰሞኑ በወያኔ መንደር የሚደረገው ጫጫታ ይቺ ናት። ዶ/ር ቴዎድሮስ አድኀኖም ለምን ትቃወማላችሁ እያሉን ነው። ይህንን የማለት መብት አላቸው ነገር ግን የሚያቀርበት ክርክር 100% ተሸናፊ ያደርጋቸዋል። ምክንያቱም የጭንቅ ቀን ሲመጣ ብቻ ኢትዮጵያዊ ነኝ ማለት ዋጋ የለውምና ነው።
ያለጥፋታቸው እስር ቤት የሚማቅቁ የፖለቲካ እስረኞች ኢትዮጵያዊ ነን ብለው ጸንተው በመቆማቸው አይደለ እንዴ እናንተ የአጼ ስርአት ናፋቂዎች እየተባሉ መከራ የሚደርስባቸው። አንተ ሽንታም አማራ አንተ ሽንታም ጋላ አንተ ሽንታም ጉራጌ እያሉ አይደለ ህዝባችን የሚያሰቃዮአቸው።

ታድያ ዛሬ የምጥ ቀን ሲመጣ ኢትዮጵያዊ ነኝ ማለት እንዴት ልታስኬዱት አልያም በምን ልታስታርቁት ትችላላችሁ? በየ እስር ቤቱ ህክምና ተከልክለው የሚሞቱት የኢትዮጵያኖች ነብስ የማትጮህ ለጩኽቷም መልስ የማታገኝ ይመስላችኋልን? አብሮ ለመጮህ የፍቅር መሰረት ያስፈልጋል። አብሮ ለመኖርም መሰረቱ በኢትዮጵያ አንድነት ላይ መታነጽ አለበት።

ታድያ 26 አመት ሙሉ ፍቅርን ስታጠፉ ኢትዮጵያዊነትን ስታፈርሱ ከርማችሁ ዛሬ ከየት መጥቶ ነው ቴዎድሮስ አድኅኖም ኢትዮጵያ ስለሆነ መቃወም የለባችሁም የምትሉን ? ስለኢትዮጵያዊነት የሚነግረንን የዶ/ር ፍቅሬ ቶሎሳን መጽሐፍ እንዳይሸጥ አግዳችሁ በጭንቅ ሰአት ኢትዮጵያ ኢትዮጵያ ማለት ምንም የሚመጣ ለውጥ የለም። ኢትዮጵያ ብሎ ስለዘፈነ በኢትዮጵያ ቴሌቭዥን መቅረብ የለበትም በማለ ጭራሹንም ያለምንም እፍረት እና በማን አለብኝነት መንፈስ የኢቲቪ ስራ አስክያጁ ይነሳ ህንጻውም ፈርሶ እንደ አዲስ ይሰራ ብላችሁ ስትጮሁ የነበራችሁት በጭንቅ ሰአት ቴዎድሮስ ኢትዮጵያዊ ነው ማለት ምን ማለት ይሆን? በደና ግዜ ያላከበራችሁትን እና የማትውቋትን ኢትዮጵያን በችግር ግዜ ከየት ልታመጡት ነው? እናም ይሄ የጭንቋ ቀን ጣር መጀመሪያ ነው እውነተኛዋ እና የቁርጧ ቀን ስትመጣ ዛሬ እዩኝ እዩኝ ነገ ደብቁኝ ያመጣልና የማታውቋትን እና በውስጣችሁ የሌለችውን ኢትዮጵያ በጭንቀት ሰአት አውጥታችሁ የምርጫ መመረጫ ለማድረግ መሞከር ሞኝነት ነው። ይህ ምሳሌነቱ በአሸዋ እንደተለሰነ መቃብር ነው። ፍሬ ከርስኪ!!!

ከተማ ዋቅጅራ
22.05.2017
waqjirak@yahoo.com

posted by Gheremew Araghaw

Single Post Navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: